Claudia Besné, arpa
Emakumeen ondare musikala ospatzen
Ekainak 14 · 20 h.
Komentuen patioa · Artziniega (Araba)
Nola heltzen
Sarrerak: 7€
*Salmenta online edo presentziala kontzertuaren egunean ordu lehenagotik.
Germaine Tailleferre (1892-1983) - Sonata pour Harpe , II.Lento
Sophia Corri (1775 -1831) - Sonata C minor
I. Allegro Moderato
II. Andantino
III. Rondo Allegro
Louis Spohr (1784 - 1859) a Dorette Scheidler - Fantasia
Henriette Renié (1875-1956) - Feuillets d’album
I. Esquisses
II. Danse d’autrefois
III. Angelus
Laura Hynninen (1976) - Annin ja Viljamin valssi
Caroline Lizotte (1969) - Suite Galactique, op. 39
I. Exosphère
II. Hymne au Bon Combat
III. Scherzo del pueblo
1975ean, mundua aurrekaririk gabeko ospakizun batean batu zen, Emakumearen Nazioarteko Urtea aldarrikatzean. Emakumeen eskubideen, berdintasunaren eta ahalduntzearen aitortza globaleko urtea izan zen gizartearen esparru guztietan. Aldaketa eta aurrerapen testuinguru horretan, musikak ere berebiziko garrantzia izan zuen, mundu osoko emakumeen esperientziak, borrokak eta garaipenak adierazteko bitarteko gisa balio izan baitzuen. Datorren urtean, 2025ean, inflexio-puntu handi honen 50. urteurrena izango da. Hori dela eta, programa honen bidez, omenaldia egin nahi diet garai hartako arau sozial eta kulturalei aurre egin zietenei, musika emantzipaziorako eta inspiraziorako tresna gisa erabiliz.
Kontzertu honetan publikoak gure garaiko eta lehenagoko konpositore handiengana hurbiltzeko aukera izango du. Euren musika entzuteko aukera izateaz gain, euren historia ezagutzeko aukera ere izango dute, izan ere, obra bakoitza interpretatu baino lehen, euren bizitza eta emakume gisa bizi izan dituzten zailtasunak laburki azalduko dira.
Claudia Besné
Musika autoritateek interpretatzaile bikain eta sentikor gisa deskribatu dute, musikalki oso sakona, bere instrumentua teknikoki bikain menderatzen duena eta, gaztea izan arren, nazioarteko proiekzio handia duena, Claudia Besné 1997an jaio zen Donostian. Francisco Escudero kontserbatorioan hasi zituen musika-ikasketak, eta 2015ean Mozarteum Univestity Salzburg-en onartu zuten, Stephen Fitzpatrick Berlingo Staatskapelle-ko harpista nagusiaren ikasgelan. Bertan, interpretazioko gradua, masterra eta graduondokoa lortu ditu. Gainera, Musika Pedagogiako Maisutza lortu zuen UNIR erakundean 2022an.
Bakarlari gisa, nazioarteko hainbat jaialditan parte hartu du, hala nola Donostiako Musika Hamabostaldian eta Noia Harp Festen; eta MusaE eta Musiklasik zikloetan, besteak beste. Andrés Egiguren Orkestrarekin ere aritu da, Aita Madinaren Harpa eta Orkestrarako Kontzertua estreinatuz 2022ko azaroan, eta Händelen Harparako Kontzertua eta Vivaldi rv93ren Kontzertua ganbera-orkestrarekin interpretatu ditu hainbat aldiz.
Bere ibilbidean zehar, hainbat sari jaso ditu, horien artean, Nicanor Zabaleta Beka ospetsua (2021), Ch Ikasketa Bekak (2023) eta Eslovakiako Harpa Elkartearen 6. Nazioarteko Lehiaketan 3. Saria (2023). Philharmonie Salzburg (2021-2023) LMS Salzburg-eko musikari aktiboaren harpa- jotzaile nagusia ere izan zen, eta izen handiko musikarien eskola magistralak jaso ditu, hala nola Cibrán Sierra (Cuarteto QUIROGA), Gabriella Dall'olio, Park Stickney, Sophie Hallynck, Letizia Pianndo, eta beste batzuen artean.
Gaur egun, bakarlari gisa aurkezten da Europan, zenbait ganbera talde eta orkestrarekin kolaborat zeaz gain, hala nola Malmöko Opera, Rioja Filarmonia eta Female Symphonic Orchestra Austria Gainera, DUO BOREALeko kidea da Eva Calvo nazioarteko gitarristarekin batera.